दाङमा कटुवा पेस्तोल र डेटोनेटरसहित दुईजना युवा पक्राउ

भदौ १४, दाङ । दाङको विजौरीवाट एकजना युवालाई प्रहरीले कटुवा पेस्तोलसहित पक्राउ गरेको छ ।

गएराति प्रहरीको विषेश टोलीले विजौरी ९ छिल्लीकोट निवासी २१ बर्षीय कमल वलीलाई कटुवा पेस्तोल सहित पक्राउ गरेको जिल्ला प्रहरी प्रमुख एसपी धिरजप्रताप सिंहले जानकारी दिए ।

यसैविच प्रहरीले विजौरी ९ छिल्लीकोट बाटै थप अर्का युवालाई वम र विस्फोटक पदार्थ बनाउन प्रयोगहुने डेटोनेटर सहित पक्राउ गरेको छ । पक्राउ पर्नेमा स्थानीय २८ वर्षीय ओमप्रकास पुन रहेको प्रहरीले बताएको छ । पुन पूर्व माओवादी लडाकु रहेको एसपी सिंहले बताए ।

उनले डेटोनेटरको प्रयोग वाट माछामार्ने गरेको जानकारी प्रहरी समक्ष दिएका छन् । उनीहरु संगै विजौरीको छिल्लीकोट वाट थप दुईजना युवापनि पक्राउ गरिएका छन् । पक्राउ परेका युवाहरुका वारेमा अनुसन्धान सुरु भएको प्रहरीले बताएको छ । तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..