|
|
|
|
डाटा अफर
असोज १५ देखि २९ गतेसम्म र कात्तिक १२ देखि २१ गतेसम्म एक सय एमबीको डाटा ५० रुपैयाँमा, २ सय ५० एमबीको डाटा एक सय रुपैयाँमा उपलब्ध गराइने टेलिकमले जनाएको छ । एक सय एमबी डाटाको अवधि ५ दिनसम्म र २ सय ५० एमबी डाटाको अवधि १० दिनसम्म रहने छ । सेवाको अवधिमा डाटा प्रयोगकर्ताले क्रमशः १० मिनेट भ्वाइस कल गर्न तथा १० वटा एसएमएस पठाउन र २५ मिनेट भ्वाइस कल गर्न तथा २५ वटा एसएमएस पठाउन पनि सक्ने छन् ।
नाइट डाटा अफर
जीएसएम तथा सीडीएमए दुबैमा नाइट डाटा अफर पनि उपलब्ध हुने भएको छ । यस अनुसार राति १० बजेदेखि बिहान ६ बजेसम्म ४० रुपैयाँमा पाँच सय एमबी र ८५ रुपैयाँमा १२ सय एमबी डाटा प्रयोग गर्न सकिने छ । यी डाटा भोल्युमको अवधि क्रमशः ७ दिन र १५ दिन हुनेछ । नाइट डाटा अफर आगामी असोज १५ देखि ३ महिनासम्म हुने छ ।
भ्वाइस कलमा छुट
जीएसएम तथा सीडीएमए मोबाइल सेवा मार्फत कम्पनीकै नेटवर्क भित्र हुने कलमा विद्यमान महसुल दरमा १० प्रतिशत छुट उपलब्ध गराउने नेपाल टेलिकमले गराएको छ । यसअनुसार प्रिपेड मोबाइलबाट प्रति मिनेट १ रुपैयाँ ३५ पैसा र पोष्टपेड मोबाइलबाट प्रति मिनेट ९० पैसामा कल गर्न सकिने छ । छुट आगामी असोज २२ देखि असोज २९ गते सम्म र कात्तिक १४ देखि २१ गतेसम्म उपलब्ध हुने छ ।
एसएमएस अफर
अहिले जीएसएम तथा सीडीएमए मोबाइल सेवामा प्रति एसएमएस शुल्क एक रुपैयाँ भएकोमा आगामी असोज २२ देखि २९ गतेसम्म र कात्तिक १४ देखि २१ गतेसम्म प्रत्येक एसएमएसमा ५० प्रतिशत छुट उपलब्ध हुने छ ।
स्थानीय टेलिफोनमा थप एक सय कल निःशुल्क
स्थानीय टेलिफोन सेवा मा २ सय रुपैयाँमा १ सय ७५ कल निःशुल्क उपलब्ध भएकोमा २०७३ असोज र कात्तिक महिनाको मासिक महसुल दुई सयमा थप एक सय लोकल कल उपलब्ध हुने छ । यस अनुसार अब असोज र कात्तिक महिनामा १ सय ७५ मा एक सय कल थप गरी २ सय ७५ लोकल गर्न सकिने भएको छ ।
एडिएसएल, वाइ म्याक्स, एफटिटिएच सेवामा भ्यालिडिटी थप
चाडका समयमा भ्यालिडिटी सकिने भोल्युम बेस तथा अनलिमिटेड एडिएसएल का ग्राहकलाई समय थप गरिने भएको नेपाल टेलिकमले जनाएको छ । वाइम्याक्स र एफटिटिएच सेवामा डाटा भोल्युम बाँकी रहेको तर भ्यालिडिटी सकिएको खण्डमा समय थप दिएने भएको छ ।
असोज २२ देखि असोज २८ सम्म भ्यालिडिटी सकिने ग्राहकको अवधि असोज २९ गतेसम्म र तिहार तथा छठको समयमा कात्तिक १४ देखि कात्तिक २० गतेसम्म भ्यालिडिटी सकिने ग्राहकको अवधि कात्तिक २१ गतेसम्म थप गरिने टेलिकमले जनाएको छ ।
बोनस
जीएसएम प्रिपेड तथा सीडीएमए प्रिपेडमा पिनलेस सिस्टमबाट एक सय रुपैयाँभन्दा धेरै रिचार्ज गर्दा १० प्रतिशत टल्क टाइम बोनस दिनेसमेत टेलिकमले जनाएको छ ।
Post a Comment