बिरामी हुँदा पनि माग्ने बुढाले बाँकी राखेनन् मन्त्रीलाई (भिडियोसहित)

असोज १२, काठमाडौं । हाँस्य कलाकार केदार घिमिरे माग्ने बुढा चार महिनादेखि बिरामी परेका छन् ।

पेटको समस्याका कारण थला परेका माग्ने बुढालाई यति बेला विभिन्न कार्यक्रममा नदेखिएपनि उनले गाएको गीतको म्युजिक भिडियोमा देखिएका छन् ।केही वर्ष अगाडि रेकर्ड गरिएको ‘मन्त्रीको सालो’ बोलको व्यङ्ग्यात्मक गीतमा उनी पनि देखिएका हुन् ।

स्वास्थ्य स्थितीमा केही सुधार भएपछि उनले यो भिडियोका लागि समेत केहि दृश्यहरु दिएका छन् । पूर्ण रुपमा सन्चो नभएकाले माग्ने बुढा आफैँ मन्त्रीको सालोका रुपमा प्रस्तुत हुन भने सकेका छैनन् । मन्त्रीलाई घोचपेच गरिएको यस गीतका शब्द सिर्जना माग्ने बुढा आफैँले गरेका हुन् भने गीतमा हरि लम्सालको संगीत छ ।

दीपक आचार्यको निर्देशनमा गीतको म्युजीक भिडियो तयार भएको हो । भिडियोमा माग्ने बुढासँगै दीपक आचार्य, विनोद राई (घ्याम्पे सुब्बा), बेगम नेपाली (भटभटे), दिनेश काफ्ले, सुबोध गौतम, सुनिता ठाकुर, भरत बस्नेतलगायत देखिएका छन् ।

गोकुल अधिकारीको छायाँकन र अमन मानन्धरको सम्पादन रहेको व्यङ्ग्यात्मक गीतको भिडियो यस्तो छ । उज्यालो अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..