'रोल्पा यातायात प्रालि' रोल्पामा पनि खुल्यो

माधवकुमार ओली/असोज ७, रोल्पा । रोल्पाबाट बिहिवारदेखि नयाँ यातायात प्रालि सञ्चालनमा आएको छ । जिल्लामा पहिलो पटक सञ्चालनमा आएको यातायात प्रालिको आज रोल्पाका प्रमुख जिल्ला अधिकारी मित्रलाल शर्माले गाडीमा चढेर उद्घाटन गरेका हुन् ।

विधिवत रुपमा दर्ताभई यातायात प्रालि सञ्चालनमा आएको हो । यातायात प्रालिले रोल्पा काठमाडौंका लागि यात्रुबाहक सुविधा सम्पन्न एसी डिलक्स बस विहिवारदेखी सञ्चालन गरेकोे प्रालिका अध्यक्ष मिलन पुनले बताए ।

रोल्पालीको माग र चाहान अनुसार प्रालि सञ्चालनमा ल्याएको अध्यक्ष पुनले बताए । प्रालिले करिब ७० लाखमा ४ वटा डिलक्स बस ल्याइसकेको छ भने कार्तिक महिना भित्र ३ वटा बस थप गर्ने प्रालि अध्यक्ष पुनले बताए ।

प्रालिले पहिलो चरणमा दैनिक रोल्पा–काठमाण्डौं बस सञ्चालन गरेको छ । निकट भविष्यमै नेपालगञ्ज तथा दाङका लागि गाडी सञ्चालन गर्ने बताइएको छ । प्रालि सञ्चालन भएपछि स्थानीयहरु खुसी भएका छन् ।

यसअघि सुबिधासम्पन्न गाडीहरु कम मात्रै भएकोमा प्रालिले सबै सुबिधा सम्पन्न गाडी सञ्चालनमा ल्याएपछि यात्रुहरु हर्षित भएका छन् । यसअघि रोल्पामा जलजला यातायात व्यवसायी समितिले एक्लौटी रुपमा गाडी सञ्चालन गर्दै आएको थियो । तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..