|
|
|
|
रुकुम १६-चैत । रुकुम जिल्लालाई लागू औषध उत्पादन ओसार पसार तथा सेवन मुक्त जिल्ला बनाउने अभियान अन्तर्गत बिगत वर्षहरु देखिनै लागू औषध उत्पादन हुने क्षेत्रहरुको पहिचान गरी नष्ट गरिदै आईरहेकोमा यस वर्ष पनि जिल्ला प्रहरी कार्यालय रुकुमले अबैध अफिमहरु नष्ट गर्ने अभियानलाई तिब्रता दिएको छ ।
जस अनुसार प्र.ना.उ.रुपेश खड्काको विशेष सक्रियतामा जिल्लाका अबैध लागू औषध अफिम उत्पादन हुने क्षेत्रहरुको पहिचान गरी यस जिल्ला प्रहरी कार्यालय तथा मातहत प्रहरी कार्यालयहरुबाट संयुक्त रुपमा प्रहरी टोली खटाई बिभिन्न गाउँँका अफिम खेती नष्ट गरिएको छ ।
अर्मा गा.बि.स.वडा नं. ५, ६, ८ र ९ का विभिन्न क्षेत्रहरु, स्यालापाखा गा.बि.स.वडा नं. ३ को माथिल्लो छिङ र तल्लो छिङ तथा पिपल गा.बि.स.को वडा नं. ७ र ८ को भाति, स्वारा, खालीगैरा, रसुवाकाटे, मेलगैरी, सागिनीगैरा भन्ने स्थानमा जम्मा ४० कठ्ठा क्षेत्रफलमा लगाईएको अफिम नष्ट गरिएको हो ।
नामथर नखुलेका ब्यक्तिहरुले अवैध रुपमा लगाएको लागू औषध अफिम नष्ट गरिएको र अन्य उत्पादन हुन सक्ने क्षेत्रहरुको पहिचान गर्ने कार्य जारी रहेको प्रहरीले जानकारी दिएको छ । -मेगराज खड्का, तुलसीपुरअनलाइनबाट
Post a Comment