|
|
|
|
‘रिलिज मिति तय हुन मात्रै बाँकी हो, दशैं तिहारको विचमा पुरानो पुस्ता रिलिज हुने पक्का छ ।’ यस फिल्मको ट्रेलर पनि युट्युवमा सार्वजनिक भइसकेको छ । फ्लोरिना फिलिम्स् प्रालीको प्रस्तुतिमा तयार भएको यो फिल्मको कार्यकारी निर्माता सावित्रा ओली हुन् ।
चलचित्रको छायांकन रोल्पा तथा प्युठानमा गरिएको छ । चलचित्रमा राप्तीका पहाडी जिल्लाहरुको रमणीय दृष्य देख्न पाइने चलचित्रका लेखक संजिब पौडेलले बताए । चलचित्रमा हजुरबाहरुको कथालाई प्रस्तुत गरिएको कार्यकारी निर्माता सावित्राले जानकारी दिइन ।
‘पहिलेका मानिसहरुले दैनिक गुजार्ने गरेका संघर्ष कथामा चित्रण गरिएको छ ।’ उनले थपिन ‘नुन, तेलको कहाँ जानुपर्दथ्यो र कति सम्म दुःख गर्थे भनेर देखाइएको छ ।’ यो चलचित्र एउटा मौलिक र उत्कृष्ट चलचीत्र बनेको कलाकार विराज विष्टले दाबी गरे ।
फिल्म अन्य फिल्म भन्दा फरक र मौलिक बिषय बस्तु सहित बनेकोले सबैले मनपराउने उनको विश्वास छ । यो फिल्ममा शेरबहादुर गुरुङ, विराज विष्ट, अनिश मगर, देव नेपाल, सृष्ट्रि श्रेष्ठ लगाएतका कलाकारको मुख्य अभिनय छ ।
चलचित्रमा तीन वटा गीत समावेश छन् । फिल्ममा छायांकन दिपसागर जिसीको रहेको छ । पुरानो पुस्तामा संगीत डमप्रकाश पुनको र शब्द रचना कृष्ण प्र्रसाद पौडेलको छ ।
Post a Comment