भूकम्पअघि र पछिको नेपालबारे नासाको सनसनिपूर्ण खुलासा

पुस ३ काठमाडौँ । गत बैशाख १२ गते गएको ७.८ रेक्टर स्केलको विनासकारी भूकम्पले नेपलामा केही साना–ठूला पहिरासँगै हिउँ तालहरुमा बाढी जाने गरेको एक अध्ययनले देखाएको छ । मध्ययूगतिर गएको भूकम्पले नेपालको प्रकृतिमा ठूलो परिवर्तन ल्याएको नासाका अधिकारीले खुलासा गरेका छन् ।

नासा र अन्य तीन विश्वविद्यालयका वैज्ञानिकहरुले क्यालिफोर्नियास्थित सान फ्रान्सिस्कोमा एक समाचार सम्मेलनमार्फत नेपालमा आएको भूकम्पले पहाडी तथा हिमाली भू–भागमा र बसोबास गर्ने प्राणीमा कस्तो प्रभाव पार्छ ? भन्ने बारे एक प्रतिवेदन जारी गरेका हुन् । नेपालमा शक्तिशाली भूकम्पपछि हिमाली र पहाडी भू–भागमा केही साना ठूला गरी असंख्य बाढी र पहिरो गएका छन्, जसको कारण अहिलेसम्म अध्ययन नगरिएको र पत्ता नलागेको उनीहरुले बताएका छन् ।

एरिजोना विश्वविद्यालय, टकसनमका जलस्रोत तथा जलविज्ञान विभागका वैज्ञानिक जेफ्रे कारगेलको अगुवाइमा एक अन्तर्राष्ट्रिय वैज्ञानिक समूहले नेपालमा गत २५ अप्रिल, २०१५मा गोर्खालाई केन्द्रविन्दु बनाएर गएको शक्तिशाली भूकम्पबारे अध्ययन गरेको थियो ।

भूकम्पपछि कहाँ र कुन भागमा कसरी पहिरो गएको गयो ? बिशेषगरी मानिसको बासस्थानभन्दा केही टाढाँका दुर्गम पहाडी तथा हिमाली क्षेत्रको बिशेष अध्ययन सम्पन्न गरेको थियो ।

अध्ययनमा पहिरो जानुको नसोचिएको कारण पत्ता लागेको वैज्ञानिहरुले बताएका छन् । बर्षाका कारण जाने पहिरो र भूकम्पका कारण जाने पहिरोकाबीच फरक छ्ट्याउन अध्ययनकर्ताहरुले आफ्नो अध्ययनको अवधि भूकम्प र बर्षा क्रतु, जुन महिनासम्म सिमित गरेका थिए । अध्ययन समूहले १० भन्दा बढी सेटलाइटबाट खिचिएका तस्वीरहरुको प्रयोग गरेका छन् ।

अध्ययनअनुसार, बैशाख १२ गतेको भूकम्पपछि ६ हप्ताको अवधिमा आएका ठूला पराकम्पनले पहाडी क्षेत्रमा ४ हजार ३ सय १२ वटा पहिरो गएको पायो भने, हिमाली भेगमा ४ सय ९१ हिमताल अध्ययन गरेकोमध्ये ९ वटा हिमतालमा हिउँ पहिरोको प्रभाव देखियो । यद्यपी, स्याटालाइटबाट झिकिएका तस्विरहरुमा पहिरोका कारण ती हिमतालबाट बाढी नै गएको भने देखिएन ।

बर्षाका कारण जाने पहिरो भिर वा उठेको भू–भाग तल खस्ने वा दब्बिने गर्दछ, तर अध्ययनको अवधिमा देखिएका पहिराका बिबरण बर्षाका कारण नभएको बताइएको छ ।

वैज्ञानिकहरुले स्याटालाइटमा एकीकृत प्रमाणहरु हेर्दा माथि उठेको भू–भागमा पहिरो नगएर समतल भू–भाग पहिरो जानु एक अप्रत्यासित वा आशा नगरिएको पहिरो जाने कारण हो, जुन यसअघि नदेखिएको बताएका छन् ।

वैज्ञानिक जेफ्रे भन्छन्, ‘सबै खाले भू–भाग परिवर्तनको प्रक्रिया माटो बग्ने अथाव पहिरो नै हो । तर, नेपालको गोर्खा केन्द्रीत भूकम्पको अध्ययनले विश्वमा पहिरोप्रतिको हाम्रो बुझाई थप बढाएको छ ।’ kathmandutodayबाट साभार 

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..