|
|
|
|
पुस १५, दाङ । दाङका युवा बैज्ञानिक मार्सल रोकाले पलास्टिकबाट डिजेल उत्पादन गरी मंगलवार सफल परिक्षण गरेका छन् ।
घोराही स्थित नेपाल पत्रकार महासंघको भवनमा मंगलवार प्रमुख जिल्ला अधिकारी दिपक काफ्ले, जिल्ला प्रहरी प्रमुख एसपी कुवेर कडायत, शसस्त्र प्रहरी कारागार वेश क्याम्प घोराहीका प्रमुख विमल डाँगी र जिल्लाका पत्रकारहरु माझ रोकाले उक्त प्रदशन गरेका थिए ।
जिल्लामा युवा बैज्ञानिकको परिचय पाएका रोकाले घरमै पलास्टिकबाट उत्पादित डिजेलको प्रयोग गरी ट्रेक्टर चलायर उपस्थित सबैलाई देखाएका थिए । उनले महासंघको भवन देखि घोराहीको तुलसीपुर चौक सम्म पलास्टिकबाट उत्पादित डिजेलबाट उक्त ट्रेक्टर चलाएर सफल परिक्षण गरेका थिए ।
रोकाले यो आफ्नो ३८सौं आवस्किार भएको जानकारी दिए । उनले पलास्टिकवाट व्यवसायिक रुपमा डिजेल निकाल्न सकिने जानकारी दिँदै त्यसो भएमा फोहर पनि नियन्त्रणगर्न सकिने वताए ।
यसअघि उनले सल्लाको खोटोवाटो उत्पादित पेट्रोलबाट मोटरसाइकल चलाएर देखाएका थिए । उनले अहिले पनि आफनो मोटरसाइकलमा उक्त इन्धननै प्रयोग गर्दै आएका छन् । खोटोवाट उत्पादित पेट्रोल भन्दा पहिला उनले ३ दर्जन जति आवस्किार गरि सकेका थिए । नारायण खड्का,Tulsipuronlineबाट
Post a Comment