|
|
|
|
जिउँदो मान्छेलाई मरेको भन्ने समाचार सार्वजनिक भएपछि कस्तो महसुस होला ? हो यस्तै भएको छ अहिले पहरीलाई । राजधानी दैनिकमा समाचार छ ।
ठोकर्पा–३ को पहरी बस्तीमा चिसोका कारण सात भूकम्पपीडितको मृत्यु भएको र मृत्यु हुनेको सूचीमा उनको पनि नाम भएको थाहा पाएपछि यमबहादुर चिन्तित बनेका छन् । आफन्त र नातागोतालाई दैनिकजसो आफूलाई केही नभएको बताइ रहेका छन्, उनी । केही दिनअघि उनको घरमा पुग्दा छिमेकीसहित यमबहादुर घरमै थिए, गाउँमै सिकर्मी काम गर्ने यमशादुर पुसको चिसोले मरेको सूचना केही सञ्चारमाध्यममा आएको थियो ।
बुधवार बिहान रेडियोमा चिसोले सातजनाको मृत्यु भएको खबर सुने पनि आफ्नै नाम भने उनले याद गरेनन् । दिउँसो काठमाडौँमा रहेका आफन्तले तपाई मरेको भन्ने खबर आएको छ तर तपाई फोन उठाइरहनु भएको छ त भन्दा यमबहादुर चकित भएका थिए ।
उनको गाउँमा यमबहादुर नाम गरेका चार जना छन् न आफूबाहेक अरु नै यमबहादुरको मृत्यु भएको हो कि भनेर उनले सोधीखोजी पनि गरे ।‘यमबहादुर नाम गरेका सबै सकुशल पाएँ, उनले थपे,‘मेरो कसैसँग रिसइवी पनि छैन, गाउँमै बस्ने कृषक हो तर किन मलाई म¥यो भनेर समाचार बनाए? निकै दुख लागेको छ ।
Post a Comment