|
|
|
|
घोराही ५-फागुन । दाङमा प्रहरीले २ किलो ५ सय ग्राम लागु औषध चरेस सहित एकै घरका बाबुछोरालाई नियन्त्रणमा लिएको छ ।
घोराही नगरपालिका ७ डुम्मरगाउँ प्रगतीटोलका ४७ बर्षिय नगेन्द्र बुढा र २३ बर्षिय छोरा ठाकुरप्रसाद बुढालाई मंगलबार २ किलो ५ सय ग्राम चरेस सहित नियन्त्रणमा लिएको दाङका प्रहरी प्रमुख कुबेर कडायतले जानकारी दिए ।
चरस राखेको भन्ने सूचनाका आधारमा प्रहरीले छापामार्दा शौचालयको छानामा लुकाई राखेको अबस्थामा उक्त चरेस फेला परेपनि बाबुछोरालाई नियन्त्रणमा लिएको उनले जानकारी दिए । पक्राउ परेकाहरुका बारेमा अनुसन्धान जारी रहेको र अदालतमा म्याद थप गरि कानुनी प्रकृया सुरु गरिएको प्रहरीले जनाएको छ ।
प्रहरीका अनुसार यस अघि पनि अहिले पक्राउ परेका ठाकुरप्रसाद र उनका आमा चरेस कै मुद्धामा सजाय भोगेर छुटेका थिए । प्रहरीले लामो समय देखी घोराही क्षेत्रबाट लागु औषध चरेस सहित व्यक्तिहरु पक्राउ गर्दै आएको छ ।
पक्राउ परेकाहरुले भने आफुहरुलाई फसाईएको र भरिया मात्रै बनेको प्रतिक्रिया दिने गरेका छन् । निमुसंगम घर्ती, तुलसीपुरअनलाइनबाट
Post a Comment