|
|
|
|
घोराही, २१- फागुन / दाङको घोराहीमा शुक्रबार देखी दाङ व्यापारिक तथा पर्यटन महोत्सव एवं मध्यपश्चिम औद्योगीक कृषी मेला २०७२ सुरु भएको छ । दाङ जिल्ला उद्योग वाणिज्य संघको आयोजनामा घोराही नगरपालिका ५ नवलपुरमा एक भव्य औपचारीक कार्यक्रमको आयोजना गरि १० दिने महोत्सव सुरु भएको हो ।
महोत्वसको राष्ट्रिय योजना आयोगका उपाध्यक्ष तथा पूर्व गभर्नर डा. युवराज खतिवडाले पानसमा बत्ती बालेर महोत्सवको उद्घाटन गरेका हुन् । उद्घाटनको अबसरमा हेलिकप्टरबाट महोत्सव स्थलमा पुष्पबृष्टि समेत गरिएको छ भने स्वागत स्वरुप मयुर नृत्य समेत प्रस्तुत गरिएका थियो ।
“उद्योग व्यापार कृषी एवं पर्यटनको विकास परनिर्भरमूखी अर्थतन्त्रको निकास” भन्ने मूल नाराका साथ आयोजना गरिएको महोत्सवमा विभिन्न प्रकृतिका बस्तुहरु राखिएको ३ सय ५० वटा स्टल रहेको छ । कृषि, पर्यटन, साहित्य, कला र व्यवसायको क्षेत्रका व्यक्तिहरुको महोत्सवमा जमघट भएको छ ।
महोत्सवमा कृषकले उत्पादन गरेका कृषि उपज देखी विभिन्न व्राण्डका गाडिहरु प्रर्दशन र बिक्रिका लागि राखिएको छ । आज औपचारीक उद्घाटन भएको र भोली देखी साँस्कृतीक कार्यक्रमहरु सुरु हुने सांस्कृति व्यवस्थापन उपसमितिका संयोजक श्रीधर धितालले जानकारी दिए । महोत्सवको उद्घाटन पूर्व घोराहीमा शोभायात्रा निकालिएको थियो ।
सोभायात्रामा विभिन्न दर्जनौ संघसंस्थाका व्यक्तिहरु व्यानर सहित सहभागि भएका थिए । त्यस्तै टोल बिकास संस्था, दर्जनौ स्कुलका शिक्षक तथा बिद्यार्थी, जातजाति एंव धार्मीक संस्थाहरु आ आफ्नो पहिचान सहित सोभायात्रामा सहभागि भएका थिए । -तुलसीपुरअनलाइनबाट साभार
Post a Comment