|
|
|
|
तीन दिन सम्म हात्तिपाईले रोग विरुद्धको आम औषधी सेवन अभियान नाम दिएर जनस्वास्थ्य कार्याललये २ हजार ८ सय व्यक्तिलाई परिचालन गरेर औषधी खुवाउने जानकारी दिएको छ । कार्यक्रममा जनस्वास्थ्य प्रमुख डा. भुवन पौडेलले ६ लाख ११ हजार ३ सय ८४ जनालाई औषधी खुवाउने जानकारी दिए ।
दाङ पनि हात्तिपाईले रोगको जोखिम जिल्लामा रहेको भन्दै उनले रामपुर र सिसहनिया गाबिसका करिब ६ सय नागरिकको रक्त परिक्षण गर्दा रामपुरमा ४२ र सिसहनियामा ३७ जनामा त्यसको लक्षण देखिएको बताए । गतबर्ष जिल्लामा अण्डकोष सुन्नियको १०, खुट्टा सुन्नियको २ र अन्य अंगहरु सुन्निएको ५ जनामा हात्तिपाईलेको संक्रमण देखिएको जनस्वास्थ्य कार्यालयले जनाएको छ ।
यो तीन दिने अभियानमा ३ सय स्वास्थ्यकर्मी, ९४२ महिला स्वयमसेविका र १ हजार ६ ससय ५६ स्वास्थ्य स्वयमसेविका गरि २ हजार ८ सय ८० जना कर्मचारीहरु खटिने भएका छन् । तीन दिने अभियानका लागि ८४ लाख ९९ हजार रुपैयाँ बजेट रहेको कार्यालयको भनाई छ ।
क्यूलेक्स जातको पोथी लामखुट्टेको टोकाईबाट हात्तिपाईले रोग सर्ने भएकाले सबैलाई अनिवार्य औषधी सेवन गर्न डा. पौडेलले आग्रह गरे । साथै २ बर्ष नपुगेका, गर्भवती, ७ दिनको सुत्केरी र सिकिस्त विरामीले उक्त औषधी खान नहुने चिकित्सकहरुको भनाई छ । छैठौँ चरणको औषधी सेवन हुन लागेको र अबको ५ बर्ष भित्र नेपालबाट हात्तिपाईले रोग निवारण गर्ने नेपाल सरकारको लक्ष्य रहेको छ ।
यसैविच दुई दर्जन पत्रकारहरुले आजै औषधी सेवन गरेर अभियानको सुभारम्भ गरेका छन् । जनस्वास्थ्य प्रमुख डा. भुवन पौडेलले पत्रकार महासंघ दाङका अध्यक्ष सविन प्रियासनलाई औषधी खुवाएर अभियानको सुरुवात गरेका हुन् । -तुलसीपुरअनलाइनबाट साभार
Post a Comment