|
|
|
|
घोराही, २६-चैत्र । दाङमा एक बालिकालाई बलात्कार गरेको ठहर गर्दै अदालतले एक जनालाई ८ र अर्का एक जनालाई ४ बर्षको कैद सजायको फैसला गरेको छ ।
दाङ देउखुरी जिल्ला अदालतले १२ वर्षीया बालिकालाई बलात्कार गरेको ठहर गर्दै सतवरिया ८ तेलियाका १८ वर्षीय नेत्रबहादुर कुमाललाई आठ वर्ष र लमही ननगरपालिका १० देउपुरका २३ वर्षीय भुपाल घर्ती मगरलाई चार वर्षको कैद सजायको फैसला गरेको हो ।
जिल्ला न्यायाधीश कोमलप्रसाद आचार्यको इजलासले कुमाललाई बलात्कार गरेको ठहरसहित आठ वर्ष र मगरलाई बलात्कार गर्न कोमललाई सहयोग गरेको ठहर गर्दै चार वर्षकैद सजायको फैसला गरेको जिल्ला अदालतका श्रेस्तेदार गम्भीर रानाले जानकारी दिए ।
२०७२ वैशाख २० गते बालिकालाई भालुवाङको एक होटलमा बलात्कार गरेको आरोपमा प्रहरीले उनिहरुलाई गिरफ्तार गरी मुद्दा चलाएको थियो
Post a Comment