|
|
|
|
भिरकुना सल्लेरी सामुदायिक वन उपभोक्ता समूह जौलिपोखरी-२ लामीडाँडाको बैठकमा विवाद हुँदा ६३ वर्षका खरबीर बस्नेतको हत्या भएको हो । रुख काटेको विषयमा भएको विवादले उग्र रुप लिँदा सोही ठाउँका ३५ वर्षका बलबहादुर बुढाले ढुङ्गाले हानेर हत्या गरेको स्थानीय बासिन्दाले बताएका छन् ।
‘खरबीरको रुख काटेको विषयमा यसअघि नै मिलापत्र भैइसकेको थियो । मादक पदार्थ सेवन गरेका खरबीरले घर जान लागेका बलबहादुरलाई हात हालेपछि बलबहादुरले पनि हात छोडेका थिए । ढिकमुनी खसेका खरबीरलाई बलबहादुरले ढुङ्गाले हानेर हत्या गरे’ एक स्थानीय बासिन्दाले भने ।
घटनापछि वन समूहको वैठक पनि स्थगित भएको समूहका अध्यक्ष भक्तबहादुर बस्नेतले जानकारी दिनुभयो । वन समूहको बिहीबारको बैठकमा भवन निर्माण गर्ने विषयमा छलफल हुने भनिएको थियो । घटनाको बारेमा प्रहरी चौकी सुर्पालमा खबर गरिएको स्थानीय बासिन्दाले बताएका छन् । स्रोत: उज्यालो अनलाइन
Post a Comment