|
|
|
|
आइतवार उद्घाटन गरिएको पहिलो सिरिजको प्रतियोगिता भने नेपालले जितेको छ । भारतक पटनाको कुमार क्लव र देउखुरी क्रिक्रेट क्लव विच भएको पहिलो सिरिज देउखुरी क्रिक्रेट क्लवले २ विकेटले जितेको हो ।
टस जितेर पटनाले ब्याटिङ रोजेको थियो । उसले ३३ ओभरमा सवै विकेट गुमाउदै १ सय ४८ रनको लक्ष्य प्रस्तुत गरेको थियो । पटनाको तर्फवाट अमनले २४, निशानले २०, नितेशले २५ र अंकुशले १० रन जोडेका थिए ।
त्यस्तै देउखुरी क्रिक्रेट क्लवका लागि सबैभन्दा धेरै विकेट सुरज धितालले लिए । राजविर सिङ्गले २, अकलेश यादवले २ विकेट लिएका थिए । ब्याटिङ तर्फ देउखुरी क्रिक्रेट क्लवका राहुल यादवले ४५ नटआउट रन खेलेका थिए । यादव नै पहिलो सिरिजको म्यानअफ द म्याच घोषित भए । त्यसैगरी राजविर सिङ्गले ३१ रन, विनित सिङ्गले २२ रनको योग्दान दिएका थिए ।
बलिङ तर्फ पटनाका राहुलले ४ विकेट, भैभव र अमनले समान एक-एक विकेट लिए । दोस्रो सिरिज सोमवार विहान ८ वजे वाट सुरु हुने छ । मंगलवार तेस्रो सिरिज सम्म चल्ने म्याचको पहिलो सिरिज नेपालको तर्फ वाट देउखुरी क्रिक्रेट क्लवले जितेको हो । दाङ लमहीको निर्मानाधिन क्रिक्रेट मैदानलाई चिनाउन र मैदान निर्माणमा सरकारलाई दवाव सृजनागर्न प्रतियोगिता आयोजना गरिएको हो ।
सरकारले दाङमा अन्तराष्ट्रिय स्तरको क्रिक्रेट मैदान निर्माणका लागि आर्थिक वर्षको बजेट भाषणमा उल्लेख गरेको थियो । नगर विकास समिलते मैदान निर्माणको लागि हालसम्म एक करोड जति खर्च गरेको बताएको छ ।
पटक पटक वजेट भाषणमा मैदान निर्माण वारे उल्लेख गरिनु , धेरै नेता अनि मन्त्रीहरुले आश्वासन दिदै आएको भएपनि मैदान निर्माणको कार्यले भने गति लिन सकेको छैन । त्यसैले दाङको मैदानको अवस्था देशलाई चिनाउन लमहीमा अन्र्तराष्ट्रिय प्रतियोगिता आयोजना गरिएको आयोजकहरुले बताएका छन् । तुलसीपुर आनलाइनबाट
Post a Comment